;
Athirady Tamil News

செய்தித் துணுக்குகள் – 001..!!

0

பிரதமர் பதவியில் மாற்றம் ஏற்பட வேண்டும்

ஜனாதிபதி வேட்பாளர் சஜித் பிரேமதாச மற்றும் அவரது தேர்தல் விஞ்ஞாபனம் தோல்வியுற்றதனால் பிரதமர் ரணில் விக்ரமசிங்க தொடர்ந்தும் பிரதமராக இருப்பதற்கு தார்மீக உரிமை இருக்கின்றதா என பாராளுமன்ற உறுப்பினர் சுசில் பிரேமஜயந்த ​கேள்வி எழுப்பியுள்ளார்.

கொழும்பில் இன்று (19) ஊடகவியலாளர்களுக்கு கருத்து தெரிவிக்கும் போதே அவர் இவ்வாறு தெரிவித்துள்ளார்.

கண்டிப்பாக பிரதமர் பதவியில் மாற்றம் ஏற்பட வேண்டும் எனவும் அவர் தெரிவித்துள்ளார்.

புதிய ஜனாதிபதியின் தேர்தல் விஞ்ஞாபனத்தை நடைமுறை படுத்துவதற்காக பிரதமர் அதற்கு இடமளிக்க வேண்டும் எனவும் அவர் தெரிவித்துள்ளார்.

ஜனாதிபதி கோட்டாபயவிற்கு சீன ஜனாதிபதி வாழ்த்து
ஜனாதிபதி கோட்டாபய ராஜபக்ஷவின் தலைமையில் சீன – இலங்கை இடையிலான உறவில் புதிய பரிணாமம் ஒன்றை ஆரம்பிக்க எதிர்ப்பார்ப்பதாக சீன ஜனாதிபதி சீஜின் பின்ங் தெரிவித்துள்ளார்.

இரு நாட்டு மக்களும் மேலும் இலாபம் ஈட்டும் வகையில் குறித்த உறவுகளை முன்னெடுத்துச் செல்ல எதிர்பார்ப்பதாகவும் அவர் தெரிவித்துள்ளார்.

கோட்டாபய ராஜபக்ஷ ஜனாதிபதியாக தெரிவானமை மிகவும் மகிழ்ச்சிக்குரிய செய்தி எனவும் தான் உட்பட தன்னுடைய நாட்டு மக்கள் மனதார வாழ்த்துவதாகவும் அவர் மேலும் தெரிவித்துள்ளார்.

சுப்ரமணியம் ஜெய்சங்கர் இலங்கை வந்தடைந்தார்
இந்திய வெளியுறவு துறை அமைச்சர் சுப்ரமணியம் ஜெய்சங்கர் சற்றுமுன்னர் இலங்கை வந்தடைந்துள்ளார்.

எரான் விக்ரமரத்னவும் பதவி விலகினார்

நிதி இராஜாங்க அமைச்சராக கடமையாற்றிய எரான் விக்ரமரத்னவும் தனது பதவியில் இருந்து இராஜினாமா செய்துள்ளார்.

தனது டுவிட்டர் பக்கத்தில் பதிவு ஒன்றை பதிவிட்டு அவர் இதனை தெரிவித்துள்ளார்.

குறித்த பதிவில் ஜனாதிபதி வேட்பாளர் சஜித் பிரேமதாசவிற்கு வாக்களித்த மக்களிற்கும் அவர் வாழ்த்து தெரிவித்துள்ளார்.

You might also like

Leave A Reply

Your email address will not be published.

9 − 3 =

*