126 தொகுப்புகள், 6 நாடுகள்., காசா மக்களுக்கு விமானம் மூலம் உதவிகளை வழங்கிய இஸ்ரேல்

6 நாடுகள் இணைந்து வழங்கிய 126 உதவித் தொகுப்புகளை காசா மக்களுக்கு விமானம் மூலம் வழங்கியுள்ளது இஸ்ரேல்.

இஸ்ரேல் பாதுகாப்புப் படை (IDF), காசா பகுதி மக்கள் பசியால் பாதிக்கப்படுகிறார்கள் என்ற சர்வதேச குற்றச்சாட்டுகளை ஒட்டுமொத்தமாக நிராகரித்து, 126 உணவுத் தொகுப்புகளை விமானம் மூலம் விநியோகித்ததாக அறிவித்துள்ளது.

ஐக்கிய அரபு அமீரகம், எகிப்து, ஜோர்டான், ஸ்பெயின், பிரான்ஸ், ஜேர்மனி ஆகிய ஆறு நாடுகளுடன் இணைந்து இந்த உதவி நடவடிக்கை மேற்கொள்ளப்பட்டுள்ளது.

இது முதல் முறையாக ஐரோப்பிய நாடுகளுடன் IDF நேரடியாக ஒருங்கிணைத்த உதவிப் போக்குவரத்து நடவடிக்கை என்பதையும், வட மற்றும் தென் காசா பகுதிகளில் மக்கள் இலக்காக உள்ளதாகவும் தெரிவிக்கப்பட்டுள்ளது.

IDF தலைவர் எயால் ஸமீர், “பசிப்பிணி குறித்து பரவும் தகவல்கள் எல்லாம் திட்டமிட்டு பரப்பப்படும் பொய்கள். இஸ்ரேல் படை ஒழுக்கமுள்ளதும், சர்வதேச சட்டங்களை பின்பற்றுகிறது,” என கூறியுள்ளார்.

இதையடுத்து, காசா மக்கள் மீது நடக்கும் வன்முறையின் காரணம் ஹமாஸ் தான் எனவும், IDF எந்த விதத்திலும் போர்குற்றங்களை நிகழ்த்தவில்லை என்றும் வலியுறுத்தியுள்ளார்.

மூன்று ஆண்டுகளாக நடைபெறும் ஹமாஸ்-இஸ்ரேல் போர் காரணமாக 58,000-க்கும் அதிகமான பாலஸ்தீனியர்கள் உயிரிழந்துள்ளனர். சமாதான பேச்சுவார்த்தைகள் பலமுறை தோல்வியடைந்துள்ளன.

IDF தலைமையகம், தங்களது யுத்த நடவடிக்கைகள் தொடரும் என்றும், பணியில் தளர்வில்லை என்றும் தெரிவித்துள்ளது.