விடைத்தாள் திருத்தும் ஆசிரியர்களுக்கு மகிழ்ச்சியான செய்தி !!

நடைபெற்று முடிந்த கல்விப் பொதுத் தராதர உயர்தரப் பரீட்சையின் விடைத்தாள்களை திருத்தும் பணியில் ஈடுபடும் ஆசிரியர்களுக்கு நாளாந்த கொடுப்பனவாக 2,000 ரூபாவை வழங்குவதற்கு அனுமதி வழங்கப்பட்டுள்ளதாக பரீட்சைகள் திணைக்களம் தெரிவித்துள்ளது.

உயர்தர விடைத்தாள்களை திருத்தும் ஆசிரியர்களுக்கான அழைப்பு மார்ச் 8 ஆம் திகதி வரை நீடிக்கப்பட்டுள்ளதாக திணைக்களம் விடுத்துள்ள அறிக்கையில் தெரிவிக்கப்பட்டுள்ளது.

15,000 பேர் விடைத்தாள் திருத்துவதற்கு விண்ணப்பித்துள்ளனர், ஆனால் வேதியியல், இயற்பியல் கணிதம் போன்ற பாடங்களுக்கு போதுமான ஆசிரியர்கள் விண்ணப்பிக்கவில்லை.

தினசரி கொடுப்பனவு உயர்த்தப்படாததால், ஏராளமான ஆசிரியர்கள் விண்ணப்பிக்கவில்லை.

அந்த வகையில் கொடுப்பனவுகளை அதிகரிக்கும் புதிய தீர்மானத்தின் அடிப்படையில் மேலும் பல ஆசிரியர்கள் விண்ணப்பிப்பார்கள் என பரீட்சை திணைக்களம் நம்பிக்கை தெரிவித்துள்ளது.