எரிபொருள் விவகாரத்தால் சபையில் அமளிதுமளி!

இலங்கையில் எரிபொருள் பற்றாக்குறையை உருவாக்க ஒரு தீய நடவடிக்கை இருப்பதாக ஆளும் கட்சி உறுப்பினர்கள் குற்றம் சாட்டியதை அடுத்து, எரிபொருள் விநியோக பிரச்சினை தொடர்பாக நாடாளுமன்றத்தில் சனிக்கிழமை (01)அமளி ஏற்பட்டது.

இந்த குற்றச்சாட்டை பிரதி அமைச்சர் அனில் ஜெயந்த மற்றும் சபைத் தலைவர் பிமல் ரத்நாயக்க இருவரும் முன்வைத்தனர்.

நீதிமன்றத் தீர்ப்பின்படி அனுமதிக்க முடியாது
இலங்கை பெட்ரோலியக் கூட்டுத்தாபனம் (CPC) அதன் பங்குகளைப் பெறும் நேரத்தில் நிலவும் விலையில் 3 சதவீத விலை உயர்வைக் கணக்கிட முடியும் என அவர்கள் வலியுறுத்தினர்.

பிரச்சனை என்னவென்றால், விநியோகஸ்தர்கள் நிகர விலைக்கு விலை உயர்வை விரும்புகிறார்கள். நீதிமன்றத் தீர்ப்பின்படி இதை அனுமதிக்க முடியாது என்று அமைச்சர் ரத்நாயக்க கூறினார்.

சமூக ஊடகங்கள் மூலம் ஒரு பீதி நிலைமை உருவாக்கப்பட்டுள்ளதாக கூறிய பிரதி அமைச்சர் ஜெயந்த, எரிபொருள் பற்றாக்குறை ஏற்படாது என்று நாங்கள் உங்களுக்கு உறுதியளிக்கிறோம் என்றும் கூறினார்.

எதிர்க்கட்சி பாராளுமன்ற உறுப்பினர்கள் கயந்த கருணாதிலக, டி.வி. சானக மற்றும் தயாசிறி ஜயசேகர ஆகியோர் பற்றாக்குறையைத் தவிர்க்க அரசாங்கம் நிலைமையைக் கட்டுப்படுத்த வேண்டும் என்று வலியுறுத்தினர்.

அதேவேளை அரசாங்கம் நிலைமையைத் தீர்க்கத் தவறினால் ஞாயிற்றுக்கிழமைக்குப் பிறகு பற்றாக்குறை ஏற்படும் என்றும் நாடாளுமன்ற உறுப்பினர் சானக கூறினார்.