கனடாவில் இலங்கை வைத்தியர் செய்த தகாத செயல் ; கணினியில் காத்திருந்த அதிர்ச்சி

கனடாவின் டொராண்டோவில் உள்ள முன்னணி ‘குழந்தைகள் நல மருத்துவமனையில்’ பணியாற்றிய, இலங்கை வம்சாவளியைச் சேர்ந்த மருத்துவர் ஒருவர், குழந்தைகள் தொடர்பான பாலியல் துர்நடத்தை மற்றும் சுரண்டல் உள்ளடக்கங்களை வைத்திருந்ததாகவும், அவற்றை அணுகியதாகவும் அவர் கைது செய்யப்பட்டுள்ளார்.

கைது செய்யப்பட்டவர் 44 வயதுடைய இலங்கை வம்சாவளியைச் சேர்ந்த மருத்துவர் ஆவார்.

குற்றச்சாட்டுகள்
டொராண்டோ பொலிஸாரின் இணையவழி குழந்தை துஷ்பிரயோக விசாரணைப் பிரிவு நடத்திய விசாரணையைத் தொடர்ந்து அவர் கைது செய்யப்பட்டார்.

இந்த விசாரணை 2026 ஜனவரியில் தொடங்கியது என்று தெரிவித்துள்ளது.

பின்னர், பிப்ரவரி மாதம், பொலிஸார் சம்பந்தப்பட்ட மருத்துவமனையிலும் சந்தேக நபரின் சொந்த வீட்டிலும் சோதனை நடத்த நடவடிக்கை எடுத்தனர். அங்கு, அவர் பணியிடத்தில் பயன்படுத்திய கணினி உட்பட பல மின்னணு சாதனங்களை அவர்கள் கைப்பற்றினர்.

பாலியல் துஷ்பிரயோகப் பொருட்களை வைத்திருந்த மற்றும் அவற்றை இணையம் மூலம் பெற்ற குற்றச்சாட்டுகளின் பேரில், சந்தேக நபர் ஒன்ராறியோ உயர் நீதிமன்றத்தில் ஆஜராக இருந்தார்.

இருப்பினும், அவர் மீதான குற்றச்சாட்டுகள் நீதிமன்றத்தில் இன்னும் உறுதி செய்யப்படவில்லை, மேலும் விசாரணைகள் தொடர்ந்து நடைபெற்று வருகின்றன.

இந்தக் குற்றச்சாட்டுகள், சந்தேகத்திற்குரிய மருத்துவரின் தொழில்சார் நடவடிக்கைகளுடன் தொடர்புடையவை என்பதற்கு இதுவரை எந்த ஆதாரமும் கண்டறியப்படவில்லை என டொராண்டோ காவல்துறை உறுதிப்படுத்தியுள்ளது.

இது தொடர்பாக அறிக்கை ஒன்றை வெளியிட்ட குழந்தைகள் மருத்துவமனை, இந்தச் சம்பவத்தால் தாங்கள் மிகுந்த அதிர்ச்சியும் வருத்தமும் அடைந்ததாகத் தெரிவித்துள்ளது.

விசாரணை தொடர்பான தகவல் கிடைத்தவுடன் திஸாநாயக்கவை உடனடியாக பணியில் இருந்து விடுப்பில் அனுப்பியதாக மருத்துவமனை தெரிவித்துள்ளது.

இந்த குற்றச்சாட்டுகளுக்கும் அவரது மருத்துவ சேவைக்கும் தொடர்பு இல்லை என பொலிஸார் தெரிவித்துள்ளதாகவும் மருத்துவமனை குறிப்பிட்டுள்ளது.