வட்டி வீதம் தொடர்பில் மத்திய வங்கியின் தீர்மானம் !!

வழமையான வட்டி வீதங்களை மாற்றமில்லாமல் வைத்திருக்க இலங்கை மத்திய வங்கியின் நாணயச் சபையானது தீர்மானித்துள்ளது.

அதன்படி, வழக்கமான வைப்பு வசதி வீதம் (SDFR) மற்றும் வழக்கமான கடன் வசதி வீதம் (SLFR) முறையே 11.00 சதவீதம் மற்றும் 12.00 சதவீதமாக இருக்கும்.

இதேவேளை, இலங்கை மத்திய வங்கியின் நாணயச் சபை அடமான வசதிகளுக்காக வருடாந்த அதிகபட்ச வட்டி வீத வரம்பான 18% ஐ விதிக்கவும் தீர்மானித்துள்ளது.

தற்காலிக ஓவர் டிராஃப்ட்களுக்கு ஆண்டுக்கு 23 சதவீத வட்டி வரம்பு விதிக்கவும், கடனட்டை வசதிகளுக்கு ஆண்டுக்கு 28 சதவீத வட்டி வரம்பு விதிக்கவும் முடிவு செய்யப்பட்டுள்ளது.

இலங்கையில் உள்ள உரிமம் பெற்ற அனைத்து வங்கிகளுக்கும் இந்த தீர்மானம் அறிவிக்கப்பட்டுள்ளதாக மத்திய வங்கி தெரிவித்துள்ளது.