14 வயது குழந்தை உயிரிழப்பு பிரித்தானியாவில் நர்சரி ஊழியர் மீது கொலை குற்றச்சாட்டு

பிரித்தானியாவில் 14 வயது குழந்தை உயிரிழந்த சம்பவத்தில் நர்சரி ஊழியர் மீது கொலை குற்றச்சாட்டு சுமத்தப்பட்டுள்ளது.

14 வயது குழந்தை உயிரிழப்பு
மேற்கு மிட்லாண்ட்ஸில் 14 மாத குழந்தை நோவா சிபாண்டா(Noah Sibanda) உயிரிழந்த சம்பவத்தில், நர்சரி ஊழியர் ஒருவர் கொலைக்குற்றச்சாட்டுக்கு ஆளாகியுள்ளார்.

2022 டிசம்பர் 9 ஆம் திகதி டட்லி, போர்ன் தெருவில் அமைந்துள்ள ஃபேரிடேல்ஸ் டே(Fairytales Day) நர்சரியில் இந்த துரதிர்ஷ்டவசமான சம்பவம் நிகழ்ந்துள்ளது.

மேற்கு மிட்லாண்ட்ஸ் காவல்துறையால் வழங்கப்பட்ட ஆதாரங்களை ஆய்வு செய்த பின்னர், கிரவுன் ப்ராசிகியூஷன் சர்வீஸ் (CPS) கிம்பர்லி குக்சன் (22) மீது கடுமையான அலட்சியத்தால் கொலை செய்ததாக குற்றம் சாட்டியுள்ளது.

கூடுதலாக, ஃபேரிடேல்ஸ் நர்சரி லிமிடெட் நிறுவனத்தின் மீது நிறுவன கொலை மற்றும் சுகாதாரம் மற்றும் பாதுகாப்பு விதிமீறல் குற்றச்சாட்டுகள் சுமத்தப்பட்டுள்ளன.

நிறுவனத்தின் உரிமையாளர் டெபோரா லேட்வுட் (54) மீது, பணியிட சுகாதார மற்றும் பாதுகாப்பு சட்டத்தின் கீழ் பொது கடமைகளை நிறைவேற்றத் தவறியதாக குற்றம் சாட்டப்பட்டுள்ளது.

“இந்த கடினமான நேரத்தில் நோவா சிபாண்டாவின் குடும்பத்தினருக்கு எங்களது ஆழ்ந்த அனுதாபங்கள்” என்று CPS இன் சிறப்பு குற்றப் பிரிவின் தலைவர் மால்கம் மெக்ஹாஃபி தெரிவித்துள்ளார்.

குற்றம்சாட்டப்பட்டவர்கள் மே 13, செவ்வாய்க்கிழமை டட்லி மாஜிஸ்திரேட் நீதிமன்றத்தில் ஆஜராக உள்ளனர். ஃபேரிடேல்ஸ் நர்சரி தற்போது மூடப்பட்டுள்ளது.