நடிகர் விஜய்யின் இல்லத்திற்கு வந்த மிரட்டலால் பரபரப்பு

தமிழக வெற்றிக் கழகத்தின் தலைவர் விஜய்யின் இல்லத்திற்கு வெடிகுண்டு மிரட்டல் விடுக்கப்பட்டுள்ளதாக இந்திய ஊடகங்கள் செய்தி வெளியிட்டுள்ளன.

இதனையடுத்து அவரது இல்லத்தில் சோதனை நடவடிக்கைகள் மேற்கொள்ளப்பட்டு வருவதாக தெரிவிக்கப்பட்டுள்ளது.

முன்னதாக நேற்று காலை தமிழக முதல்வர் மு.க.ஸ்டாலினின் இல்லத்திற்கு வெடிகுண்டு மிரட்டல் விடுக்கப்பட்ட நிலையில், பொலிஸாரின் சோதனையின் பின்னர், அது போலியான மிரட்டல் என தெரியவந்துள்ளது.

இந்தநிலையில் சம்பவம் தொடர்பில் நீலாங்கரை பொலிஸார் விசாரணைகளை மேற்கொண்டு வருகின்றனர்.