பெருமளவு உக்ரைன் ஆண்களை கொன்றுவிட்டோம் -ரஷ்ய கூலிப்படைத் தலைவர் பரபரப்பு அறிக்கை !!

ரஷ்யா தொடங்கிய போரில் பெருமளவு உக்ரைனிய ஆண்கள் கொல்லப்பட்டதுடன், ஏனையோரை நாட்டைவிட்டு வெளியேறத் தூண்டுவதில் ரஷ்யா வெற்றி பெற்றுள்ளதாக வாக்னர் தலைவர் வெளியிட்டுள்ள அறிக்கையில் தெரிவித்துள்ளமை பரபரப்பை ஏற்படுத்தியுள்ளது.

ரஷ்ய அதிபர் புடினால் நிறுத்தப்பட்ட வாக்னர் படையின் தலைவரான Yevgeny Prigozhin ஒன்லைனில் வெளியிட்ட பரபரப்பு அறிக்கையிலேயே இவ்வாறு தெரிவித்துள்ளார்.

அதில் அவர் போரை நிறுத்துவதற்கான ஆச்சரியமான அழைப்பையும் விடுத்துள்ளார். அந்நாட்டு ஆண்களை அதிகளவில் கொன்றதன் மூலம்,உக்ரைனிய போரை இப்போதே நிறுத்தி, உக்ரைனின் நிலப்பரப்பை கைப்பற்றி ரஷ்யா வெற்றி பெற்றுள்ளது என்று உலகிற்கு கூறுமாறு புடின் கூறியதாக அந்த அறிக்கையில் Prigozhin குறிப்பிட்டுள்ளார்.

மேலும் அவர், ‘சிறப்பு இராணுவ நடவடிக்கையின் முடிவை அறிவிப்பது, ரஷ்யா திட்டமிட்ட முடிவுகளை அடைந்துவிட்டதாக அனைவருக்கும் தெரிவிக்க வேண்டும், மேலும் ஒரு அர்த்தத்தில் நாம் உண்மையில் அவற்றை அடைந்துள்ளோம்.

ரஷ்யாவின் ஆயுதப் படைகளின் பெரும் எண்ணிக்கையிலான போராளிகளை நாங்கள் தரையிறக்கி உள்ளோம், மேலும் சிறப்பு இராணுவ நடவடிக்கையின் பணிகள் முடிந்துவிட்டதாக நாங்கள் இப்போது வீரர்களுக்கு தெரிவிக்கலாம்.

இப்போது ஒரே ஒரு விடயம் மட்டுமே உள்ளது: ஏற்கனவே இருக்கும் பிரதேசங்களில் உறுதியாக கால் ஊன்றுவது தான் அது’ என தனது அறிக்கையில் கூறியுள்ளார்.