உக்ரைன் அருங்காட்சியகம் மீது ரஷ்யா தாக்குதல்: ஒருவர் பலி 10 பேர் காயம்!!

உக்ரைன்-ரஷ்யா போர் ஓராண்டை கடந்து நீடித்து வருகிறது. இந்நிலையில், உக்ரைனின் கார்கிவ் பகுதியில் உள்ள குபியான்ஸ்க் அருங்காட்சியகத்தின் மீது ரஷ்யா படையினர் நேற்று எஸ்-300 ரக ஏவுகணையைக் கொண்டு தாக்குதல் நடத்தினர். இதில் ஒருவர் பலியானார். மேலும் 10 பேர் காயமடைந்தனர்.

இது தொடர்பாக உக்ரைன் அதிபர் ஜெலன்ஸ்கி வெளியிட்ட வீடியோவில், `உக்ரைனின் வரலாறு, கலாசாரம், மக்கள் மீது காட்டுமிரண்டிதனமான தாக்குதல் நடத்தப்படுகிறது. தீவிரவாத நாடு எங்களை முற்றிலும் அழிக்க அனைத்தையும் செய்து வருகிறது,’’ என்று கூறப்பட்டுள்ளது. முன்னதாக ரஷ்யா கைப்பற்றிய குபியான்ஸ்க் பகுதியை உக்ரைன் கடந்தாண்டு செப்டம்பரில் மீட்டது.