டொலருக்கு நிகராக வலுப்பெறும் ரூபா: மாற்றமின்றி தொடரும் கட்டுமான பொருட்களின் விலை

இலங்கையில் கட்டுமான பொருட்களின் விலை இன்னும் குறைக்கப்படவில்லை என நுகர்வோர் புகார் தெரிவித்துள்ளனர்.

கடந்த காலங்களில் டொலரின் பெறுமதி அதிகரிப்பிற்கு நிகராக பல கட்டுமான பொருட்களின் விலைகள் அவ்வப்போது உயர்ந்துள்ளன.

தற்போது டொலருக்கு நிகரான ரூபா மதிப்பு வலுப் பெற்றுள்ளது.

கட்டுமான உபகரணங்களின் விலை
எனினும் அதற்கு ஏற்ப கட்டுமான உபகரணங்களின் விலை இதுவரையில் குறையவில்லை என நுகர்வோர் விசனம் தெரிவித்துள்ளனர்.

இந்த நிலையில் இது தொடர்பில் இலங்கை நிர்மாண சங்கத்தின் தலைவர் சுசந்த லியனாராச்சி குறிப்பிடுகையில், நிர்மாணத்திற்கு பயன்படுத்தப்படும் பொருட்களின் விலைகள் இன்னும் அதிகமாகவே காணப்படுகின்றன என குறிப்பிட்டுள்ளார்.