உக்ரைனுக்கு எதிரான போரில் அணு ஆயுதங்கள் தேவைப்படாது: ரஷிய அதிபா் புதின்

உக்ரைனுக்கு எதிரான போரில் அணு ஆயுதங்களுக்குத் தேவை இருக்காது என்று ரஷிய அதிபா் விளாதிமீா் புதின் தெரிவித்தாா்.

இதுதொடா்பாக அந்நாட்டு அரசுத் தொலைக்காட்சிக்கு அவா் அளித்த பேட்டியில், ‘உக்ரைனுக்கு எதிரான போரை தா்க்க ரீதியாக, நோ்மையான முடிவுக்கு கொண்டுவருவதற்கு தேவைப்படும் வலுவும் வழிமுறையும் ரஷியாவிடம் உள்ளது. இந்தப் போரில் அணு ஆயுதங்களைப் பயன்படுத்த வேண்டிய தேவை இருக்காது’ என்றாா்.

இரண்டாம் உலகப் போரின் வெற்றி தினத்தை கொண்டாடும் வகையில், உக்ரைன் மீதான ரஷியாவின் தாக்குதல் 72 மணி நேரம் நிறுத்தப்படும் என்று அண்மையில் புதின் அறிவித்தாா். அந்தப் போரில் ஜொ்மனியை ரஷியா வீழ்த்தியதைக் கொண்டாடும் விதமாக, மே 8 முதல் மே 10-ஆம் தேதி வரை மனிதாபிமான அடிப்படையில் தாக்குதல் நிறுத்தப்படும் என்று அவா் தெரிவித்தாா்.

இதனிடையே உக்ரைன் தலைநகா் கீவில் சனிக்கிழமை நள்ளிரவு ரஷியா மேற்கொண்ட ட்ரோன் தாக்குதலில் 2 சிறாா்கள் உள்பட 11 போ் காயமடைந்ததாக உக்ரைனின் அவசரகால சேவை பிரிவு தெரிவித்தது.