யாசகம் பெறும் சிறுவர்கள் தொடர்பில் இன்று முதல் கட்டாயமாகும் நடைமுறை

இன்று முதல் 16 வயதுக்குட்பட்ட சிறுவர்களை யாசகம் எடுப்பது, வர்த்தகம் செய்தல் மற்றும் 16 முதல் 18 வயதுக்குட்பட்ட சிறுவர்களை வீட்டு வேலை உள்ளிட்ட ஆபத்தான வேலைகளில் பணியமர்த்துவதை முற்றிலுமாக தடை செய்யும் தற்போதைய சட்ட விதிகளை கடுமையாக செயல்படுத்த அமைச்சரவை அண்மையில் அனுமதியளித்துள்ளது.

2022 ஆம் ஆண்டு 39 ஆம் இலக்கம் கொண்ட சிறுவர்கள் மற்றும் இளைஞர்கள் (திருத்தம்) சட்டத்தின்படி, 18 வயதுக்குட்பட்ட அனைத்து சிறுவர்களும் சிறுவர்களாகக் கருதப்படுகிறார்கள், மேலும் 16 வயது வரை, ஒரு சிறுவர் கட்டாயக் கல்வி பெற்றதாகக் கருதப்படுகிறது.

சட்ட விதிகள்
16 வயதுக்குட்பட்ட சிறுவர் பாடசாலைக்கு செல்லவில்லை என்றால் அதை எதிர்க்க சட்ட விதிகள் உள்ளன, மேலும் இந்தச் சட்டம் இன்று முதல் கடுமையாக அமுல்படுத்தப்பட வேண்டும் என சிறுவர்கள் மற்றும் பெண்கள் விவகார அமைச்சர் சரோஜா போல்ராஜ் அண்மையில் நடைபெற்ற ஊடக சந்திப்பில் வலியுறுத்தினார்.

தெருக்களில் யாசகம் எடுக்கும், வர்த்தகம் செய்யும், அபாயகரமான வேலைகளில் ஈடுபடும் அல்லது வேறு ஏதேனும் பாதுகாப்பற்ற சூழ்நிலையில் இருக்கும் அனைத்து சிறுவர்களும் தங்கள் எதிர்காலத்தைப் பற்றி தேசிய சிறுவர்கள் பாதுகாப்பு அதிகாரசபையின் 1929 சிறுவர் ஆதரவு சேவை, பொலிஸ் சிறுவர்கள் மற்றும் பெண்கள் துஷ்பிரயோக தடுப்பு பணியகத்தின் 109 அவசர அழைப்பு சேவை, நாட்டிலுள்ள எந்தவொரு பொலிஸ் நிலையத்திற்கும் அல்லது பெண்கள் மற்றும் சிறுவர்கள் விவகார அமைச்சின் கள அதிகாரிகளுக்கும் தெரிவிக்குமாறு சிறுவர்கள் மற்றும் பெண்கள் விவகார அமைச்சு கேட்டுக்கொள்கிறது.