ஓய்வூதியதாரர்களுக்கு வழங்கப்படும் வட்டி குறைப்பு – சபையில் அம்பலமான தகவல்

ஓய்வூதியதாரர்களுக்கு வழங்கப்பட்ட வட்டி வீதத்தை குறைத்துள்ளதாக எதிர்க்கட்சித் தலைவர் சஜித் பிரேமதாச தெரிவித்துள்ளார்.

நாடாளுமன்றத்தில் வைத்து உரையாற்றும் போதே அவர் இந்த விடயத்தை கூறியுள்ளார்.

அவர் மேலும் தெரிவிக்கையில்,

ஓய்வூதியதாரர்களுக்கு வழங்கப்பட்ட சிறப்பு 15% வட்டி வீதத்தை தற்போதைய அரசு 7%ஆக குறைத்துள்ளதாக குற்றஞ்சாட்டியுள்ளார்.

வட்டி வீதம் குறைப்பு
24 மணிநேரமும் அரசு பொய்களைப் பரப்பி, மக்களை ஏமாற்றி, தோல்வியடைந்த ஆட்சியை நடத்திக் கொண்டிருக்கும் இந்த நேரத்தில், இலட்சக்கணக்கான ஓய்வூதியர்களும், முதியவர்களும் தவிப்புக்கு ஆளாகியுள்ளனர்.

ஆனால் இந்த 15% வட்டி வீதத்தை இப்போது 7%ஆக குறைத்துள்ளனர். இதனால் முதிய மக்கள் பெரும் துன்பத்திற்கு ஆளாக்கப்பட்டுள்ளனர் என குறிப்பிட்டுள்ளார்.