பிரித்தானிய பாடசாலைகளில் மொபைல் போன்களுக்கு தடை

பிரித்தானிய அரசு, பாடசாலைகளில் மொபைல் போன்களை பயன்படுத்துவதற்கு சட்டப்படி தடை விதிக்கும் புதிய விதிகளை அறிவித்துள்ளது.

இதுவரை பாடசாலைகளுக்கு வழிகாட்டுதலாக மட்டுமே இருந்த போன் கட்டுப்பாடுகள், இனி சட்டமாக அமுல்படுத்தப்படுகின்றன.

குழந்தைகளின் நலன் மற்றும் பாடசாலை சட்டத்தில் திருத்தம் செய்து, ஒவ்வொரு பாடசாலையும் மொபைல் போன் பயன்பாட்டைத் தடுக்க தெளிவான விதிகளை உருவாக்கி, மாணவர்களுக்கும் பெற்றோருக்கும் அறிவிக்க வேண்டும்.

பாடசாலை தலைமை ஆசிரியர்களுக்கு, விதிகளை மீறும் மாணவர்களை ஒழுங்குபடுத்தும் சட்ட ஆதரவு கிடைக்கும்.

பல பாடசாலைகள் முழுநாள் தடை விதிக்கலாம். சிலர் மாணவர்கள் காலை போன்களை ஒப்படைத்து, பள்ளி முடியும் வரை பாதுகாப்பாக வைத்திருக்கலாம். சிலர் பூட்டப்பட்ட பைகள் அல்லது லாக்கர்கள் மூலம் போன்களை அணுக முடியாதவாறு செய்யலாம்.

போன்களுக்கு வகுப்பறைகளில் இடமில்லை. ஆசிரியர்கள் அமைதியான சூழலில் கற்பிக்கவும், மாணவர்கள் கவனமாக கற்கவும் இந்த மாற்றம் அவசியம் என்று கல்வி செயலாளர் பிரிட்ஜெட் பிலிப்ப்சன் தெரிவித்துள்ளார்.

அரசு தரவுகளின்படி, பெரும்பாலான பாடசாலைகளில் ஏற்கெனவே சில கட்டுப்பாடுகள் உள்ளன. ஆனால் புதிய சட்டம், அவை கட்டாயமாகவும் ஒரே மாதிரியாகவும் அமுல்படுத்தப்படுவதை உறுதி செய்கிறது.

இந்த நடவடிக்கை, மாணவர்களின் கவனச்சிதறலைக் குறைத்து, இணையதளத்தில் உள்ள தீங்கு விளைவிக்கும் உள்ளடக்கங்களிலிருந்து பாதுகாக்கும் நோக்கத்துடன் எடுக்கப்பட்டுள்ளது.