லண்டனில் கார் மோதியதில் டேங்கர் லாரி வெடித்து சிதறியது-டிரைவர் பலி!!

லண்டனில் கனெக்டிகட் தேசிய நெடுஞ்சாலையில் உள்ள பாலத்தில் பெட்ரோல் ஏற்றிக்கொண்டு டேங்கர் லாரி ஒன்று சென்று கொண்டிருந்தது. அப்போது அருகில் சென்று கொண்டிருந்த காரின் டயர் வெடித்து டேங்கர் லாரி மீது வேகமாக மோதியது. இதில் டேங்கர் லாரி விபத்துக்குள்ளாகி தீப்பற்றி எரிந்தது. இந்த விபத்தில் டேங்கர் லாரி டிரைவர் சம்பவ இடத்திலேயே உயிரிழந்தார்.

மேலும் பலர் படுகாயமடைந்தனர். வாகன நெரிசல் மிக்க தேசிய நெடுஞ்சாலையில் ஏற்பட்ட இந்த விபத்தில் கடுமையான போக்குவரத்து நெரிசல் ஏற்பட்டது. தீப்பற்றி எரிந்த டேங்கர் லாரியில் இருந்து கரும்புகை பரவி அந்த பகுதியே புகை சூழ்ந்து காணப்பட்டது. தீயணைப்பு வீரர்கள் விரைந்து வந்து தீயை அணைத்தனர். படுகாய மடைந்தவர்களை மீட்டு ஆஸ்பத்திரிக்கு அனுப்பி வைத்தனர். பாலத்தின் மீது டேங்கர் லாரி தீப்பற்றி எரியும் வீடியோ சமூக வலை தளங்களில் வைரலாகி வருகிறது.