விமானத்தில் பயணம் செய்ய வந்த பெற்றோரை வரவேற்ற பெண் ஊழியரின் வீடியோ வைரல்!!

ஸ்பைஸ் ஜெட் விமான பணிப்பெண்ணின் வீடியோ ஒன்று இன்ஸ்டாகிராமில் வைரலாகி வருகிறது. அதில், அஸ்மிதா என்ற அந்த பெண் ஊழியரின் பெற்றோர் விமானத்தில் பயணம் செய்வதற்காக ஏறுகின்றனர். அவர்களின் டிக்கெட்டுகளை அவர்களது மகள் அஸ்மிதா புன்னகையுடன் சரிபார்த்து அவர்களை இருக்கைக்கு அழைத்து செல்வது போல் வீடியோ தொடங்குகிறது. பின்னர் பெற்றோரை முன்வரிசையில் அமர வைத்து பேசும் காட்சிகள் காண்போர்கள் மனதை கவரும் வகையில் உள்ளது.

உணர்ச்சிகரமான இந்த வீடியோ 1.6 கோடிக்கும் அதிகமான பார்வைகளை பெற்றுள்ளது. வீடியோவை பார்த்த பயனர்கள் தங்களது கருத்துக்களை பதிவிட்டு வருகின்றனர். அதில் ஒருவர், தந்தை மற்றும் மகள் ஆகிய இருவரின் கண்களிலும் மகிழ்ச்சியை காண முடிகிறது என குறிப்பிட்டுள்ளார். இதுபோல பயனர்கள் பலரும் தங்களது கருத்துக்களை பதிவிட்டு வருகிறார்கள்.