நகரும் ராட்சத பனிப்பாறை: பிரித்தானிய தீவு மீது மோதும் அச்சம்! பெங்குவின்களுக்கு ஆபத்து

தெற்கு அட்லாண்டிக் பெருங்கடலில் உள்ள பிரிட்டிஷ் தீவான தெற்கு ஜார்ஜியாவின் மீது ராட்சத பனிப்பாறை A23a மோதும் அபாயத்தில் உள்ளது.

லண்டனை விட இரண்டு மடங்கு பெரியதாகவும், 130 அடி உயரமாகவும் இருக்கும் இந்த டிரில்லியன் டன் எடையுள்ள பனிப்பாறை கடந்த மாதம் தனது நிலையிலிருந்து உடைந்து வடக்கு நோக்கி நகரத் தொடங்கியுள்ளது.

அடுத்த சில வாரங்களில் இது தீவை அணுகும் போது தீவின் வளமான வனவிலங்குகளுக்கு பேரழிவு ஏற்படலாம் என்று விஞ்ஞானிகள் அஞ்சுகின்றனர்.

பெங்குவின்களுக்கு ஆபத்து
தெற்கு ஜார்ஜியாவைச் சுற்றியுள்ள ஆழமற்ற நீரில் பனிப்பாறை தரை தட்டினால், பெங்குவின் குஞ்சுகளுக்கு உணவு தேடுவதற்கான முக்கியமான பாதைகள் தடைபடும்.

இதனால், தங்களுக்கும் தங்கள் குஞ்சுகளுக்கும் உணவு தேடுவதற்காக பெங்குவின் தொலைதூரம் நீந்த வேண்டியிருக்கும், அதிக ஆற்றலை செலவழித்து குறைவான உணவுடன் திரும்ப வேண்டியிருக்கும்.

இந்த அதிகரித்த ஆற்றல் செலவு பெங்குவின் குஞ்சுகளின் இறப்பு விகிதத்தை “கணிசமாக அதிகரிக்கும்” என்று பிரிட்டிஷ் அண்டார்டிக் சர்வேயின் இயற்பியல் கடலியலாளர் ஆண்ட்ரூ மேஜர் கூறுகிறார்.