கனடாவில் வேலை வாங்கித் தருவதாக பாரிய மோசடி ; சிக்கிய முன்னாள் முகாமையாளர்

கனடாவில் வேலை வாங்கித்தருவதாக கூறி 5.2 மில்லியன் ரூபாய் மோசடி செய்த ஒருவரை இலங்கை வெளிநாட்டு வேலைவாய்ப்புப் பணியகத்தின் சிறப்புப் புலனாய்வுப் பிரிவு அதிகாரிகள் கைது செய்துள்ளனர்.

ஓய்வுபெற்ற தோட்ட முகாமையாளரான சந்தேக நபர், கனடாவில் வேலை வாங்கித் தருவதாகக் கூறி காலி மற்றும் நிக்கவரட்டியவில் வசிக்கும் நான்கு நபர்களிடமிருந்து தலா 1.3 மில்லியன் ரூபாயைப் பெற்றுள்ளார்.

ஒப்பந்தங்கள் பறிமுதல்
பணம் வழங்கப்பட்ட போதிலும், வாக்குறுதியளிக்கப்பட்டபடி வெளிநாட்டு வேலைவாய்ப்பு வழங்கப்படவில்லை என்று அந்த நபர்கள் வெளிநாட்டு வேலைவாய்ப்பு பணியகத்தில் தாக்கல் செய்த புகாரின் பேரில், சந்தேக நபர் வரகாபொல, அம்பகலகந்தவில் உள்ள அவரது வீட்டில் கைது செய்யப்பட்டுள்ளார்.

அவர் கைது செய்யப்பட்ட நேரத்தில், சைப்ரஸில் வேலை வழங்குவதற்காக 75,000 ரூபாய் மதிப்புள்ள மூன்று ஒப்பந்தங்களையும் அவரது வீட்டிலிருந்து அதிகாரிகள் பறிமுதல் செய்துள்ளனர்.