ஈரான் நோக்கி விரைந்த சரக்கு கப்பல்: அமெரிக்கா முன்னெடுத்த ராக்கெட் தாக்குதல்

அமெரிக்க படைகளின் அதிரடி தாக்குதல் மூலம் ஈரானுக்கு சென்ற சரக்கு கப்பல் முடக்கப்பட்டுள்ளது.

ஈரான் நோக்கி விரைந்த சரக்கு கப்பல்
ஈரானுக்கு எதிராக அமெரிக்கா பொருளாதார தடைகள் விதித்துள்ள நிலையில், ஓமன் வளைகுடாவில் காம்பியா(Gambia) கொடி பறந்த சரக்கு கப்பல் ஒன்று ஈரானை நோக்கி விரைந்தது.

அமெரிக்க படைகளின் கட்டுப்பாடுகளை மீறி ஈரான் துறைமுகத்தை அடையும் நோக்கில் M/V Lian Star என அடையாளம் காணப்பட்ட சரக்கு கப்பல் முன்னேறிச் சென்றதாக அமெரிக்க ராணுவத்தின் மத்திய கட்டளை பிரிவு(CENTCOM) தெரிவித்துள்ளது.

இதையடுத்து இந்த பயணத்தை கைவிடுமாறும் அமெரிக்க கடற்படை 20க்கும் மேற்பட்ட முறை அந்த சரக்கு கப்பலுக்கு எச்சரிக்கை விடுத்துள்ளனர்.

ஆனால் எந்தவொரு எச்சரிக்கையையும் பொருட்படுத்தாமல் M/V Lian Star சரக்கு கப்பல் முன்னேறி சென்றுள்ளது.

இந்நிலையில் கப்பலை தடுத்து நிறுத்தும் முயற்சியாக அமெரிக்கா தங்கள் போர் விமானம் ஒன்றில் இருந்து ஹெல்ஃபையர் என்ற ஏவுகணை வீசி தாக்குதல் நடத்தியது.

இந்த தாக்குதலில் சரக்கு கப்பலின் இயந்திர அறை முழுமையாக செயலிழந்த நிலையில், கப்பலின் ஈரான் பயணம் முடிவுக்கு வந்தது.