நாய்க்குட்டியை கையில் வைத்து கொண்டு உடற்பயிற்சி செய்யும் மம்தா பானர்ஜி!!
உடற்பயிற்சி செய்யும்போது நம்மை உற்சாகப்படுத்த ஒருவர் இருந்தால் நன்றாக இருக்கும் என சிலர் நினைப்பார்கள். இன்னும் சிலரோ சுறுசுறுப்பாக இருப்பதற்காக பாடல்களை கேட்டபடி உடற்பயிற்சி செய்வார்கள். அந்த வகையில் மேற்குவங்க முதல்-மந்திரி மம்தா பானர்ஜி சிறிய நாய்க்குட்டி ஒன்றை கையில் பிடித்துகொண்டு டிரெட்மில்லில் நடப்பதுபோன்ற ஒரு வீடியோ இன்ஸ்டாகிராமில் பரவி வருகிறது.
அதில் பிசியான கால அட்டவணையில் இருந்தாலும் டிரெட்மில்லில் வேலை செய்வதற்கு கணிசமான நேரம் கொடுப்பதாக மம்தாபானர்ஜி குறிப்பிட்டுள்ளார். அந்த வீடியோவில் மம்தா பானர்ஜி நீலநிற பார்டர் கொண்ட வெள்ளை நிற புடவை அணிந்து, சிறிய பஞ்சு போன்ற நாய்க்குட்டியை பிடித்து கொண்டு டிரெட்மில்லில் நடக்கிறார். சில நாட்களில் உங்களுக்கு சில கூடுதல் உந்துதல் தேவை என்ற தலைப்புடன் இந்த வீடியோ பகிரப்பட்டது. வீடியோவை 3.13 லட்சத்துக்கும் மேற்பட்டோர் பார்வையிட்டுள்ளனர்.