அயோத்தி ராமா் கோயில் நாட்டின் கலாசாரப்பெருமை: முன்னாள் நீதிபதி பி.என். பிரகாஷ் பெருமிதம்

அயோத்தி ராமா் கோயில் நமது கலாசார பெருமை என சென்னை உயா்நீதிமன்ற முன்னாள் நீதிபதி பி.என்.பிரகாஷ் கூறினாா்.

சென்னை தியாகராய நகா் சா்.பிடி அரங்கில் முன்னாள் பிரதமா் அடல் பிஹாரி வாஜ்பாயின் 99 -ஆவது பிறந்த நாள் மற்றும் விருது வழங்கும் விழா திங்கள்கிழமை நடைபெற்றது. இதில் சிறப்பு விருந்தினராக சென்னை உயா்நீதிமன்ற முன்னாள் நீதிபதி பி.என்.பிரகாஷ் பேசியதாவது:

அயோத்தியில் சட்டப்படி ராமா் கோயில் வரப்போகிறது. மக்கள் நம்பிக்கையின் பெயரில் வரப்போகிற கோயில் இது. மேலும் ராமா் கோயில் என்பது நமது கலாசார பெருமை ஆகும். காமராஜா் போல கக்கன் போல வாழ வேண்டும் என்று வாஜ்பாய் போன்ற தலைவா்கள் காட்டிய வழியில் தான் எளிமையாக இருக்கிறோம்.

நான் நீதிபதியாக இருந்தபோது தான் திருநங்கை ஒருவருக்கு வழக்குரைஞராக பதிவு செய்ய அனுமதித்தேன். எனது அலுவலகத்திலேயே பணியாற்ற செய்தேன். இவா்கள் சமூகத்தில் அதிகம் பாதிக்கப்பட்டவா்கள். இவா்களை போன்றவா்கள் அடையாளம் காணப்படவேண்டும்.

பத்ம விருதுகள் இதற்கு முன்னாள் பணம் கொடுத்து வாங்கப்பட்டது, ஆனால் இன்று சாதாரண மக்களுக்கு அந்த விருதுகள் வழங்கப்படுகிறது. இவா்கள் போன்றவா்களை பிரதமா் அடையாளம் கண்டு விருதுகளை வழங்குகிறாா் என்றாா் அவா்.

அண்ணாமலை பேச்சு:

நிகழ்ச்சியில்காணொளி மூலம் தமிழக பாஜக தலைவா் கே. அண்ணாமலை பேசியதாவது:

கச்சத்தீவு தாரை வாா்த்ததற்கு வாஜ்பாய் கடுமையாக எதிா்ப்பு தெரிவித்தவா். நல் ஆளுமை என்கிற வாா்த்தையை , தாரக மந்திரமாக கொண்டவா் வாஜ்பாய். பிரதமா் மோடி ஆட்சி அனைத்து மக்கள் மனதில் இடம் பெற்ற ஆட்சியாக நடைபெறுவதற்கு விதை போட்டவா், 1999-2004 வரை தேசிய தொலை தொடா்பு கொள்கை கொண்டு வந்து சாதனை செய்தவா். அனைவருக்கும் கல்வி திட்டத்தை கொண்டுவந்தவா். இந்திய பாதை தனிப்பாதை சிங்க ப்பாதை என நிரூபிக்கும் வகையில் பொக்ரான் சோதனை நடத்தி சாதித்தவா் வாஜ்பாய் என்றாா் அவா்.

முன்னதாக அண்ணா பல்கலைக்கழக முன்னாள் துணைவேந்தா் இ. பாலகுருசாமி, தமிழ்நாடு ஜல்லிகூட்டு பேரவை தலைவா் பி. ராஜசேகா், இதிகாச மொழிபெயா்ப்பாளா் செ.அருட்செல்வப்பேரரசன், மனிதவள மேம்பாட்டு மேலாளா் திருநங்கை வி.ரேகா, பாஜக மூத்த தலைவா் சுப. நாகராஜன் ஆகிய 5 பேருக்கு முன்னாள் நீதிபதி பி.என்.பிரகாஷ் வாஜ்பாய் விருதுகளை வழங்கி கெளரவித்தாாா்.

நிகழ்ச்சியில் தமிழக பாஜக துணைத் தலைவா்கள் வி.பி. துரைசாமி, கரு.நாகராஜன், நாராயணன் திருப்பதி, டால்பின் ஸ்ரீதா், பாஜக தென் சென்னை மாவட்டத் தலைவா் வி.காளிதாஸ் உள்ளிட்டோா் பங்கேற்றனா்.