பாகிஸ்தான்: பஞ்சாபுக்கு முதல் சீக்கிய அமைச்சா்

பாகிஸ்தானின் பஞ்சாப் மாகாணத்துக்கு முதல்முறையாக ஒரு சீக்கியா் அமைச்சராக நியமிக்கப்பட்டுள்ளாா். அந்த மாகணத்துக்கு கடந்த மாதம் 8-ஆம் தேதி நடைபெற்ற தோ்தலிலுக்குப் பிறகு, பாகிஸ்தான் மக்கள் கட்சி (பிபிபி) மற்றும் பிற கட்சிகளுடன் இணைந்து முன்னாள் பிரதமா் நவாஸ் ஷெரீஃபின் பாகிஸ்தான் முஸ்லிம் லீக் – நவாஸ் (பிஎம்எல்-என்) கட்சி ஆட்சியமைத்தது. நவாஸின் மகள் மரியம நவாஸ் மாகாண முதல்வராகப் பொறுப்பேற்றாா். அவா் அந்த மாகாணத்தின் முதல் பெண் முதல்வா் ஆவாா். இந்த நிலையில், மாகாணத்தின் சிறுபான்மையினா் நலத் துறை அமைச்சராக பிஎம்எல்-என் கட்சியைச் சோ்ந்த பேரவை உறுப்பினா் சா்தாா் ரமேஷ் சிங் அரோரா வியாழக்கிழமை பவியேற்றுக்கொண்டாா். பஞ்சாப் மாகாணத்தில் ஒரு சீக்கியா் அமைச்சா் பொறுப்பை ஏற்றுள்ளது இதுவே முதல்முறையாகும்.