எம்.பி நாமல் ராஜபக்‌ஷவிற்க்கு நீதிமன்றம் இன்று பிறப்பித்த உத்தரவு

கிரிஷ் ஒப்பந்த விவகார வழக்கு தொடர்பில், ஸ்ரீலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்‌ஷவை எதிர்வரும் 23 ஆம் திகதி வரை தொடர்ந்தும் விளக்கமறியலில் வைக்க கொழும்பு பிரதான நீதவான் நீதிமன்றம் உத்தரவிட்டுள்ளது.

குறித்த வழக்கு இன்று வெள்ளிக்கிழமை (16) விசாரணைக்கு எடுத்துக்கொள்ளப்பட்டபோதே நீதிமன்றம் இந்த உத்தரவைப் பிறப்பித்துள்ளது.

கிரிஷ் நிறுவனத்திடமிருந்து 70 மில்லியன் ரூபா பணம் இலஞ்சம் பெற்றமை மற்றும் வழங்கியமை தொடர்பில் கைதான நாமல் ராஜபக்‌ஷ மற்றும் ஜானகி சிறிவர்தன ஆகியோரின் விளக்கமறியல் எதிர்வரும் 23 வரை நீடிக்கப்பட்டுள்ளது.

ஜானகியின் பிணை மனு நிராகரிக்கப்பட்டதுடன், நாமலின் பிணை குறித்த உத்தரவு அடுத்த வழக்கு விசாரணையின்போது அறிவிக்கப்படும் என கொழும்பு நீதிவான் நீதிமன்றம் அறிவித்துள்ளது.