சொகுசு கார் முதல் பல ஆயிரம் டொலர் சம்பளம் வரை! போப் பிரான்சிஸ் செய்த நெகிழ்ச்சி செயல்கள்!
போப் பிரான்சிஸ் அவர்களின் மறைவு உலகெங்கும் பெரும் சோகத்தை ஏற்படுத்தியுள்ளது.
12 ஆண்டுகள் கத்தோலிக்க திருச்சபையை வழிநடத்திய அவர், தனது 88-வது வயதில் ஏப்ரல் 21 அன்று இறைவனடி சேர்ந்தார்.
போப் பிரான்சிஸின் எளிமையான வாழ்வு
நீண்டகால உடல்நலக்குறைவு இருந்த போதிலும், அவரது எளிய வாழ்க்கை மற்றும் தியாக உணர்வு உலக மக்களின் இதயங்களை வென்றிருந்தது.
Pope Francis has passed away at the age of 88, the Vatican announces. pic.twitter.com/EUp2QtTv6I
— Complex (@Complex) April 21, 2025
கத்தோலிக்க திருச்சபை உலகின் மிகப்பெரிய மத நிறுவனமாக இருந்தும், போப் பிரான்சிஸ் எளிமையான வாழ்க்கையையே வாழ்ந்தார்.
1.3 பில்லியன் கத்தோலிக்கர்களின் தலைவராக இருந்த அவர், ஆடம்பரத்தை விரும்பாமல், சாதாரண மனிதராகவே வாழ்ந்து எளிமைக்கு ஒரு சிறந்த எடுத்துக்காட்டாக திகழ்ந்தார்.
சொத்து மதிப்பும், நன்கொடை பண்பும்
மாதந்தோறும் $32,000 சம்பளம் பெற தகுதியிருந்தும், அதை மறுத்து, அந்தப் பணத்தை தேவாலயங்களுக்கும் அறக்கட்டளைகளுக்கும் நன்கொடையாக வழங்கினார்.
அவரது சொத்து மதிப்பு $16 மில்லியன் என்று கூறப்பட்டாலும், அவர் எப்போதும் மனிதநேயம் மற்றும் தியாகம் ஆகிய நற்பண்புகளுக்கே முக்கியத்துவம் அளித்தார்.
திருச்சபையில் சீர்திருத்தங்கள் மற்றும் நிதி வெளிப்படைத்தன்மையை முன்னெடுத்தார்.
2018-ல் லம்போர்கினி நிறுவனம் அவருக்கு $200,000 மதிப்புள்ள காரை பரிசளித்த போது, அதை ஏலத்தில் விற்று, அந்தப் பணத்தை தொண்டு நிறுவனங்களுக்கு வழங்கினார்.
பணம், பதவி, அதிகாரம் என அனைத்தையும் புறக்கணித்து, எளிமை, பணிவு, மனிதநேயம், கண்ணியம், ஒழுக்கம் மற்றும் சமநீதி ஆகிய நற்பண்புகளையே தனது வாழ்நாள் முழுவதும் கடைப்பிடித்தார் போப் பிரான்சிஸ்.
அவருடைய எளிமையான வாழ்க்கை உலக மக்கள் அனைவருக்கும் ஒரு சிறந்த எடுத்துக்காட்டு.