ட்ரம்ப் வரிவிதிப்பின் தாக்கம்: அமெரிக்க பொருளாதாரம் 0.5 சதவீதம் வீழ்ச்சி

அமெரிக்க பொருளாதாரம் 2025-ஆம் ஆண்டின் முதல் காலாண்டில் 0.5% சுருங்கியுள்ளதாக அரசாங்கத்தின் வர்த்தகத் துறை அறிவித்துள்ளது.

முன்னதாக 0.2% சுருங்கும் என மதிப்பீடு செய்யப்பட்டிருந்த நிலையில், இது எதிர்பாராத அளவில் மோசமான வீழ்ச்சியாகும்.

ஜனாதிபதி டொனால்ட் ட்ரம்பின் வரி போர், அதாவது உள்நாட்டுத் தொழில்களை பாதுகாக்க வெளிநாட்டு பொருட்கள் மீது விதிக்கப்பட்ட கூடுதல் வரிகள், அமெரிக்க நிறுவனங்களை தாமதமின்றி பொருட்கள் இறக்குமதி செய்ய தூண்டியது.

இதன் விளைவாக, 2025 Q1இல் 37.9% அளவிற்கு இறக்குமதிகள் அதிகரித்தன. இது 2020-க்குப் பிறகு பதிவான அதிகபட்ச இறக்குமதியாகும்.

இந்த அதிக அளவிலான இறக்குமதி, GDPயை 4.7 சதவிகித புள்ளிகள் கீழே தள்ளியது. ஏனெனில் GDP என்பது உள்நாட்டில் உற்பத்தியாகும் மதிப்பையே கணக்கில் எடுக்கும், வெளிநாட்டுப் பொருட்கள் அவ்வளவாக மட்டுப்படுத்தப்படும்.

நுகர்வோர் செலவுகளும் வீழ்ச்சி அடைந்துள்ளன – கடந்த காலாண்டில் 4% என்றிருந்தது தற்போது 0.5% ஆக மட்டுப்பட்டுள்ளது. இது மக்களின் நம்பிக்கை குறைந்ததையும் பொருளாதார தடுமாற்றத்தையும் சுட்டிக்காட்டுகிறது.

அதே நேரத்தில், மத்திய அரசின் செலவுகளும் 4.6% என்ற வீதத்தில் குறைந்துள்ளன. இது 2022-க்குப் பிறகு மிக மோசமான வீழ்ச்சியாகும்.

இருப்பினும், பொருளாதார நிபுணர்கள் இந்த வீழ்ச்சி தற்காலிகம் என நம்புகின்றனர். ஏப்ரல்-ஜூன் காலாண்டில் 3% வளர்ச்சி இருக்கும் என FactSet கணிப்பில் தெரிவிக்கப்பட்டுள்ளது.