ஞானசார தேரருக்கு 9 மாத சிறைத்தண்டனை

பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு நீதிவான் நீதிமன்றம் விதித்த 9 மாத சிறைத்தண்டனையை மேல் நீதிமன்றம் உறுதி செய்துள்ளதாக கொழும்பு மேலதிக நீதிவான் லஹிரு சில்வா தெரிவித்துள்ளார்.

இது தொடர்பான அறிவிப்பை நீதிமன்றத்தில் மேலதிக நீதிவான் லஹிரு சில்வா வெளியிட்டதாக தெரிவிக்கப்பட்டுள்ளது.

2025 ஆம் ஆண்டு ஜனவரி மாதம் முதலாம் திகதி கொழும்பு நீதவான் நீதிமன்றம் ஞானசார தேரருக்கு 09 மாதக் கடுங்காவல் சிறைத் தண்டனையுடன் 1,500 ரூபாய் அபராதமும் விதித்திருந்தது.

இந்தத் தீர்ப்புக்கு எதிராக தாக்கல் செய்யப்பட்ட மேன்முறையீட்டை கொழும்பு மேல் நீதிமன்றம் நிராகரித்து, நீதவான் நீதிமன்றத்தின் தீர்ப்பை உறுதி செய்துள்ளது.

எனினும், மேல் நீதிமன்றத் தீர்ப்புக்கு எதிராக உயர் நீதிமன்றத்தில் ஏற்கனவே மேன்முறையீடு செய்யப்பட்டுள்ளதாக ஞானசார தேரர் சார்பில் முன்னிலையான ஜனாதிபதி சட்டத்தரணி அநுர மெத்தேகொட தெரிவித்துள்ளார்.