வவுனியாவில் கோர விபத்து: தந்தையும் ஒரு வயது நிரம்பாத குழந்தையும் பலி; தாய் படுகாயம்!

வவுனியாவில் கோர விபத்து: தந்தையும் ஒரு வயது நிரம்பாத குழந்தையும் பலி; தாய் படுகாயம்!

வவுனியா, புளியங்குளம் புதூர் பகுதியில் இடம்பெற்ற கோர வீதி விபத்தில் இளம் குடும்பஸ்தர் ஒருவரும் அவரது ஒரு வயது நிரம்பாத குழந்தையும் பரிதாபமாக உயிரிழந்துள்ளனர். படுகாயமடைந்த தாய் ஆபத்தான நிலையில் வைத்தியசாலையில் அனுமதிக்கப்பட்டுள்ளார்.

சம்பவம் இடம்பெற்ற இடம்: ஏ-9 வீதி, புளியங்குளம் புதூர்
திகதி: 09.10.2026
நேரம்: இன்று காலை

யாழ்ப்பாணத்திலிருந்து வவுனியா, சமளங்குளம் பகுதியில் அமைந்துள்ள தமது காணியை நோக்கி ஒரே குடும்பத்தைச் சேர்ந்த மூவரும் மோட்டார் சைக்கிளில் பயணித்துள்ளனர்.

இதன்போது, முன்னால் சென்ற வாகனமொன்றை முந்திச் செல்ல முயன்ற மோட்டார் சைக்கிள், எதிரே வந்த மற்றுமொரு வாகனத்துடன் நேருக்கு நேர் மோதி விபத்துக்குள்ளானதாகத் தெரிவிக்கப்படுகிறது.

விபத்தில் படுகாயமடைந்த மூவரும் உடனடியாக மீட்கப்பட்டு புளியங்குளம் பிரதேச வைத்தியசாலைக்குக் கொண்டு செல்லப்பட்டனர். எனினும், தந்தையும் பிஞ்சுக் குழந்தையும் ஏற்கனவே உயிரிழந்துவிட்டதாக மருத்துவர்கள் தெரிவித்துள்ளனர்.

ஆபத்தான நிலையில் இருந்த தாய் மேலதிக சிகிச்சைக்காக வவுனியா பொது வைத்தியசாலைக்கு மாற்றப்பட்டுள்ளார்.

இச்சம்பவம் தொடர்பில் புளியங்குளம் பொலிஸார் மேலதிக விசாரணைகளை முன்னெடுத்து வருகின்றனர்.

ஒரே விபத்தில் ஒரு குடும்பத்தின் மகிழ்ச்சி சிதைந்தது… தந்தையையும் பிஞ்சுக் குழந்தையையும் இழந்து, தாய் உயிருக்கு போராடும் இந்தத் துயரச் சம்பவம் அனைவரையும் சோகத்தில் ஆழ்த்தியுள்ளது.

உயிரிழந்தவர்களுக்கு ஆழ்ந்த இரங்கல்கள். காயமடைந்த தாய் விரைவில் குணமடையப் பிரார்த்திப்போம்.

வாகனத்தை முந்திச் செல்லும்போது மிகுந்த அவதானத்துடன் செயற்படுங்கள். ஒரு நொடி அவசரம், பல குடும்பங்களின் வாழ்க்கையை மாற்றிவிடலாம்.