இலங்கை – இந்திய வணிக உறவை வலுப்படுத்த சர்வதேச வர்த்தக மாநாடு டிசம்பரில்
இலங்கையின் வணிக உறவுகளை வலுப்படுத்தும் நோக்குடன் , சர்வதேச வணிக மாநாடு மற்றும் தொழில்முனைவோர் சந்திப்புகள் எதிர்வரும் டிசம்பர் 14ஆம் திகதி முதல் 20ஆம் திகதி வரையில் நடைபெறவுள்ளது.
இந்தியா மற்றும் இலங்கை நாடுகளுக்கிடையிலான வணிக உறவுகளை மேலும் வலுப்படுத்தவும், புதிய முதலீட்டு வாய்ப்புகளை உருவாக்கவும், இருநாட்டுத் தொழில்முனைவோருக்கிடையிலான வர்த்தக ஒத்துழைப்புகளை மேம்படுத்தும் நோக்குடன் குறித்த மாநாடு நடைபெறவுள்ளது
இந்தச் சர்வதேச வணிகத் திட்டத்தில் வடக்கு மாகாணத் தொழில்முனைவோரின் பங்களிப்பை உறுதிசெய்வதற்கும், பிராந்தியத்தின் வணிக மற்றும் முதலீட்டு வாய்ப்புகளை அடையாளம் காண்பதற்கும், அண்மையில் யாழ்ப்பாணம், கிளிநொச்சி மற்றும் வவுனியா மாவட்ட செயலர்களுடன் ஆரம்பகட்டக் கலந்துரையாடல்கள் இடம்பெற்றன.
இச்சந்திப்புகளில் BizNet Solution நிறுவனத்தின் இந்திய மற்றும் இலங்கைத் தலைவர்கள் கலந்துகொண்டு, இரு நாடுகளுக்கிடையிலான வணிக ஒத்துழைப்புகள் மற்றும் வடக்கு மாகாணத்தின் பொருளாதார மேம்பாட்டிற்கான வாய்ப்புகள் குறித்து கலந்துரையாடினர்.
