சீனாவின் 109 மாடி கட்டடத்தில் விமானம் மோதி விபத்து

சீனாவின் தலைநகர் பீஜிங்கில் உள்ள CITIC Tower (China Zun) எனப்படும் 109 மாடிகள் கொண்ட உயரமான கட்டடத்தில், சிறிய விமானம் மோதி விபத்து ஏற்பட்டது.

இந்த சம்பவம் உள்ளூர் நேரப்படி ஜூன் 26 மாலை 5.40 மணியளவில் நடந்ததாக அதிகாரிகள் தெரிவித்துள்ளனர்.

Sunward SA60L Aurora என்ற சிறிய விமானம், பீஜிங்கின் Shifosi விமான நிலையத்தில் இருந்து புறப்பட்ட சில நிமிடங்களிலேயே கட்டடத்தில் மோதியது.

விமானம் முற்றிலும் சிதறி, கண்ணாடி துண்டுகள் மற்றும் எரியும் பொருட்கள் கீழே விழுந்தன. கட்டடத்தின் கிழக்கு நுழைவாயிலில் புகை மற்றும் தீக்கனல்கள் தென்பட்டன. விபத்துக்குப் பிறகு, கட்டடத்தில் இருந்தவர்கள் அவசரமாக வெளியேற்றப்பட்டனர்.

சம்பவ இடத்தில் தீயணைப்பு வாகனங்கள், பொலிஸ்மற்றும் ஆம்புலன்ஸ்கள் விரைவாக வந்தடைந்தன. அருகிலுள்ள சாலைகள் மூடப்பட்டு, பாதுகாப்பு நடவடிக்கைகள் தீவிரப்படுத்தப்பட்டன.

இச்சம்பவத்தின் காரணம் குறித்து விசாரணை நடைபெற்று வருகிறது. விமானம் திட்டமிட்ட பாதையை விட்டு விலகியிருக்கலாம் என ஆரம்பக்கட்ட தகவல்கள் தெரிவிக்கின்றன.

பீஜிங்கில் மே 1 முதல், ட்ரோன் மற்றும் சிறிய விமானங்களை அனுமதி இல்லாமல் இயக்கக் கூடாது என்ற கடுமையான விதிகள் அமுல்படுத்தப்பட்டுள்ளன.

இந்த விபத்து, நகரப் பகுதிகளில் விமானப் பாதுகாப்பு குறித்து புதிய கேள்விகளை எழுப்பியுள்ளது.

இச்சம்பவம், பீஜிங்கின் நவீன நகர அடையாளமான CITIC Tower-க்கு பெரும் சவாலாக அமைந்துள்ளது. உயிரிழப்புகள் குறித்து இன்னும் அதிகாரப்பூர்வ தகவல் வெளியாகவில்லை.