மின் கம்பிகளில் சிக்கிய ஸ்கூட்டர்!!
சமூக வலைதளங்களில் பரவும் ஒரு வீடியோவில், கடையை ஒட்டிய உயர்அழுத்த மின் கம்பிகளுக்குள் ஸ்கூட்டர் ஒன்று சிக்கியிருப்பதை காண முடிகிறது. அந்த ஸ்கூட்டர் எப்படி அவ்வளவு உயர மின் கம்பிகளுக்குள் புகுந்தது என்பது குழப்பத்தை ஏற்படுத்தி உள்ள நிலையில், அதனை பார்த்த பயனர்கள் பலரும் தங்களது கருத்துக்களை தெரிவித்து வருகிறார்கள்.
இந்த வீடியோ ஜம்மு-காஷ்மீரில் எடுக்கப்பட்டதாகவும், அங்கு வீசிய சூறைகாற்றில் ஸ்கூட்டர் மின் கம்பிகளுக்குள் சிக்கிக் கொண்டதாகவும் கூறப்படுகிறது. ஆனாலும் பயனர்கள் பலரும் இது தொடர்பான சந்தேகங்களை எழுப்பி வருகின்றனர். அதில் ஒருவர், இது எலக்ட்ரிக் ஸ்கூட்டராக இருக்கலாம், நேரடியாக சார்ஜ் செய்வதற்காக நிறுத்தப்பட்டிருக்கலாம் என நகைச்சுவையாக பதிவிட்டுள்ளார்.