கிராமிய வறுமையை ஒழிக்காமல் நாட்டின் வறுமையை ஒழிக்க முடியாது – யாழில் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டுகை அமைச்சர் தெரிவிப்பு

மேலும், பிரஜாசக்தி திட்டத்தை ஒருங்கிணைந்த திட்டமாக மேற்கொள்ள வேண்டும் எனவும், இவ் ஒருங்கிணைப்பில் பிரதேச செயலக அரச உத்தியோகத்தர்கள், கிராம அலுவலர்கள், கிராம முன்னேற்றத்திற்காக அக்கறையுடன் காணப்படும் மக்கள், புத்திஜீவிகள், மக்கள் பிரதிநிதிகள், அரசியல் பிரமுகர்கள் அனைவரும் இக் குழுவில் காணப்படுவதுடன், அனைவரும் ஒருங்கிணைந்து தமது கிராமங்களை முன்னேற்ற வேண்டும் எனவும், அபிவிருத்தி தொடர்பாக அதிகாரமூட்டல் எண்ணக்கரு இரண்டு விதமாக காணப்படுவதாகவும், மக்கள் அறிவுடையவர்களாக, திறமை உடையவர்களாக இருப்பதும், மற்றையது மக்களை வலுவூட்ட அபிவிருத்தி அலுவலர்களை நியமித்திருப்பதாகவும், சமூக அபிவிருத்தி தொடர்பாக சமூக அபிவிருத்தி அலுவலர்கள் திறன்களை வளர்க்க வேண்டும் எனவும் தெரிவித்தார். மேலும் மக்கள் பொருளாதாரத்தில் மட்டுமல்ல அறிவிலும், எண்ணத்திலும், திறனிலும் காணப்படும் இடைவெளிகளை புதிய அனுபவங்களைக் கொண்டு தொழில்நுட்ப அறிவு எண்ணங்கள் மக்களின் கலை, கலாசார எண்ணத்தோடு முன்னெடுக்க வேண்டும் எனவும், கிராமிய பொருளாதாரத்தை விரிவாக்க வேண்டும் எனவும், குடும்ப ரீதியாக சமூக ரீதியாக, அரச தனியார் துறையில் உள்ளவர்களும் மக்களும் இணைந்ததாக இருக்கக்கூடும் எனவும், அது அனைத்தையும் பொருளாதார ரீதியாக கட்டி எழுப்ப வேண்டும் எனவும், பிரஜா சக்தி வலுவூட்டல் செயற்பாட்டுக்காக யாழ்ப்பாண மாவட்டத்திற்கு 652 மில்லியன் ரூபா நிதி ஒதுக்கப்பட்டுள்ளதாகவும், இதனை வினைத்திறன்மிக்கதாக பயன்படுத்த வேண்டும் எனவும், மக்களே மக்களோடு இணைந்து வலுவூட்டல்களை அடையாளம் காணவேண்டுமெனவும் தெரிவித்தார்.