கார் ஒன்று பள்ளத்தில் கவிழ்ந்து விபத்து

எல்ல – வெல்லவாய பிரதான வீதியின், ராவணா எல்ல பகுதிக்கு கீழே கார் ஒன்று வீதியை விட்டு விலகி பள்ளத்தில் கவிழ்ந்து விபத்துக்குள்ளாகியுள்ளது.

இந்த விபத்தில் பெண் ஒருவரும் ஆண் ஒருவரும் காயமடைந்து பதுளை போதனா வைத்தியசாலையில் அனுமதிக்கப்பட்டுள்ளனர்.

விபத்து இடம்பெற்ற போது பெண்ணே காரைச் செலுத்தியுள்ளார் என்றும், விபத்துக்குள்ளானவர்கள் திஸ்ஸமஹாராமய பகுதியைச் சேர்ந்த இருவர் என்றும் பொலிஸார் தெரிவித்தனர்.

சம்பவம் தொடர்பில் எல்ல பொலிஸ் நிலைய அதிகாரிகள் மேலதிக விசாரணைகளை மேற்கொண்டு வருகின்றனர்.