கடைக்குள் நுழைந்து மது குடித்து மயங்கிய குரங்கு; சமூகவலைத்தளங்க்களில் வைரல்!

இந்தியாவின் ஜார்க்கண்ட் மாநிலம் ராஞ்சியில், பெண் குரங்கு ஒன்று மதுக்கடைக்குள் நுழைந்து, அங்கிருந்த மதுபான போத்தல் ஒன்றை எடுத்துப் பருகிய பின்னர், கடையின் உள்ளேயே மதுபோதையில் உறங்கிய ஒரு விசித்திரமான சம்பவம் நிகழ்ந்துள்ளது.

ஓர்மாஞ்சியில் உள்ள பிளாக் சௌக் பகுதியில் குரங்கு திடீரென மதுக்கடைக்குள் நுழைந்து உள்ளே சுற்றித் திரியத் தொடங்கியது.

குரங்கு, மிகவும் ஆழ்ந்த உறக்கத்தில் ஆழ்வதற்கு முன், கடையில் வைக்கப்பட்டிருந்த போத்தலிலிருந்து சிறிது மதுவைக் கூட அருந்தியமை சிசிடிவி காட்சிகளில் தெரியவந்துள்ளது.

அந்தக் குரங்கு குறித்த தகவல் பரவியதும், மீட்புக் குழுவினர் சம்பவ இடத்திற்கு வந்து, மதுக்கடையிலிருந்து அதை பாதுகாப்பாக வெளியேற்ற முயன்றனர். மதுக்கடையை மது அருந்தி ஓய்வெடுப்பதற்கான ஒரு எதிர்பாராத இடமாக அந்தக் குரங்கு கருதியது போல் தோன்றியதைக் கண்டு, அங்கிருந்தவர்கள் வேடிக்கை பார்த்தனர்.