தெற்கு அதிவேக வீதியில் மண்சரிவு
தெற்கு அதிவேக வீதியின் இமதுவ மற்றும் பின்னதுவ பகுதியில் மண் மேடு சரிந்து விழுந்துள்ளது.
இதன் காரணமாக போக்குவரத்துக்கு இடையூறு ஏற்பட்டுள்ள போதிலும், தெற்கு அதிவேக வீதியின் பயணிகள் பேருந்து போக்குவரத்து சேவைகள் வழமை போன்று இடம்பெற்று வருவதாக வீதி அபிவிருத்தி அதிகாரசபை தெரிவித்துள்ளது.
பேருந்து போக்குவரத்து
ஹம்பாந்தோட்டையில் இருந்து கொழும்பு நோக்கிச் செல்லும் பேருந்துகள் இமதுவ நுழைவாயிலில் இருந்து வெளியேறி பின்னதுவ நுழைவாயிலிலும், கொழும்பிலிருந்து ஹம்பாந்தோட்டை நோக்கி செல்லும் பேருந்துகள் பின்னதுவ நுழைவாயிலிலிருந்து வெளியேறி இமதுவ நுழைவாயிலில் இருந்து மீண்டும் அதிவேக நெடுஞ்சாலைக்குள் நுழைய முடியும் என வீதி அபிவிருத்தி அதிகாரசபை மேலும் தெரிவித்துள்ளது.