புடினின் வெற்றிக்கு வாழ்த்திய நாடுகள்

ஈரான், சீனா, வட கொரியா, உஸ்பெகிஸ்தான் மற்றும் வெனிசுலாஆகிய நாடுகள் ரஷ்ய அதிபர் விளாடிமிர் புடினின் தேர்தல் “வெற்றிக்கு” வாழ்த்து தெரிவித்தன.

ரஷ்ய செய்தி நிறுவனம் RIA நோவோஸ்டி”தேர்தலில் வெற்றி பெற்றதற்காக புடினுக்கு சீனாவின் வெளியுறவு அமைச்சகம் வாழ்த்து தெரிவித்தது.” “சீன-ரஷ்ய உறவுகள் தொடர்ந்து வளரும்” என்று சீன அமைச்சகம் நம்பிக்கை தெரிவித்துள்ளது எனவும் அந்த செய்தி நிறுவனம் தெரிவித்தது.

குறைபாடற்ற தேர்தல் செயல்முறை
மேலும், புடினுக்கு ஈரான் அதிபர் ஏற்கனவே வாழ்த்து தெரிவித்துள்ளதாக தகவல் வெளியாகியுள்ளது. வடகொரிய தலைவர் கிம் ஜாங் உன், உஸ்பெகிஸ்தான் அதிபர் ஷவ்கத் மிர்சியோயேவ், வெனிசுலா அதிபர் நிக்கோலஸ் மதுரோ ஆகியோர் வாழ்த்து தெரிவித்துள்ளனர்.

குறிப்பாக, “இது ஒரு குறைபாடற்ற தேர்தல் செயல்முறை” என்று மதுரோ கூறினார், இது “[தேசத்தின்] ஜனநாயகத்தை ஒரு முன்மாதிரியான முறையில் நிரூபித்தது.” “நாங்கள் முழு ரஷ்ய மக்களையும் ஐக்கிய ரஷ்யா கட்சியையும் தழுவுகிறோம்” என்று வெனிசுலாவின் அதிபர் தெரிவித்துள்ளார்.