பால்ட்டிமோர் பாலத்தில் கப்பல் விபத்து: 6 பேரை காணவில்லை! அதிகரிக்கும் கவலைக்கிடம்

அமெரிக்காவின் பால்ட்டிமோர் பாலத்தில் ஏற்பட்ட விபத்தில் காணாமல் போன 6 பேரை தேடும் பணி தொடர்ந்து நடைபெற்று வருகிறது.

இடிந்து விழுந்த பால்ட்டிமோர் பாலம்
அமெரிக்காவின் மேரிலேண்ட் மாகாணத்தின் பால்ட்டிமோர்(Baltimore) நகரில் உள்ள Patapsco நதியின் மீது அமைந்துள்ள Francis Scott Key Bridge என்ற பாலத்தின் மீது, சிங்கப்பூர் கொடி பொருத்தப்பட்ட சரக்குக் கப்பல் ஒன்று மோதி விபத்து ஏற்பட்டுள்ளது.

பாலத்தின் இரும்பு தூண்கள் மீது நேற்று (26/03/24) அதிகாலை 1.27 மணியளவில், Dali என்று பெயரிடப்பட்ட கப்பல் மோதியதில், பாலத்தின் ஒரு பகுதி நிலைகுலைந்து சரிந்ததாக கூறப்படுகிறது.

BREAKING: Ship collides with Francis Scott Key Bridge in Baltimore, causing it to collapse pic.twitter.com/OcOrSjOCRn

— BNO News (@BNONews) March 26, 2024

கப்பலில் இருந்த அனைத்து குழு உறுப்பினர்களும், கப்பலோட்டிகளும் பாதுகாப்பாக இருப்பதாக அதிர்ஷ்டவசமாக தெரிவிக்கப்பட்டுள்ளது.

காணாமல் போன 6 கட்டுமான தொழிலாளர்கள்
2 பேர் நீரில் இருந்து மீட்கப்பட்டுள்ள நிலையில், ஒருவர் தீவிர சிகிச்சைக்காக மருத்துவமனையில் அனுமதிக்கப்பட்டுள்ளனர், மற்றொருவர் சீரான நிலையில் உள்ளார். அதே சமயம், 6 கட்டுமான தொழிலாளர்களை காணவில்லை.

மேரிலேண்ட் போக்குவரத்து துறை செயலாளர் பால் வைட்ஃபெல்ட்(Paul Wiedfeld,), காணாமல் போன நபர்கள் பாலத்தில் குழி தோண்டி பழுதுபார்க்கும் இரவு பணியில் ஈடுபட்டிருந்தவர்கள் என்று உறுதிப்படுத்தினார்.

காணாமல் போனவர்களைக் கண்டுபிடிப்பதில் மீட்பு குழுக்கள் போராடி வருகின்றன. இதில் கரையோர காவல் துறையும் உதவி செய்து வருகிறது.

கவனம் காணாமல் போன தொழிலாளர்களைக் கண்டுபிடிப்பதில் தான் இருந்தாலும், தண்ணீர் மிகவும் குளிர்ச்சியாக இருப்பதால் நேரம் செல்ல செல்ல நம்பிக்கை குறைந்து வருகிறது. மோதலுக்கான காரணம் இன்னும் விசாரணைக்குட்படுத்தப்பட்டு வருகிறது.

கப்பலின் தலைமை கப்பலோட்டியின் செயல்களை அதிகாரிகள் ஆராய்ந்து வருகின்றனர்.