பிரான்ஸை குறிவைக்கும் ரஷ்யா ; செயற்கைக்கோள்கள் வழியாக உளவு

ரஷ்யா, ஐரோப்பாவில் தனது முக்கிய எதிரியாக பிரான்ஸை அடையாளப்படுத்தியுள்ளது என அந்த நாட்டின் இராணுவத் தலைவர் திரி புர்கார்ட் தெரிவித்துள்ளார்.

உக்ரைனுக்கு பிரான்ஸ் வழங்கும் நிலையான ஆதரவுக்கு பதிலளிக்கும் வகையில் ரஷ்ய ஜனாதிபதி விளாடிமிர் புட்டின் எடுத்த முக்கிய முடிவாக பார்க்கப்படுகிறது.

நேரடி இராணுவத் தாக்குதல்கள்
ரஷ்யா – பிரான்ஸ் இடையே தற்போது நேரடி இராணுவத் தாக்குதல்கள் நிகழ வாய்ப்பில்லை என்றாலும், ரஷ்யா பிரான்ஸை குறிவைக்கும் வகையில் இணைய தள தாக்குதல்கள், உளவுத்துறை நடவடிக்கைகள் உள்ளிட்ட கலப்பு தாக்குதல்களை மேற்கொள்ளும் அபாயம் உள்ளதாக பாதுகாப்பு வட்டாரங்கள் தெரிவிக்கின்றன.

கடலடித்தள நீர்மூழ்கிக் கப்பல்கள் மற்றும் விண்வெளி செயற்கைக்கோள்கள் வழியாக ரஷ்யா உளவுத்துறை நடவடிக்கைகளை தீவிரப்படுத்தி வருகிறது.

மேலும், ரஷ்ய விமானங்களுடனான வான்வெளி மோதல்களும் இடையிடையே நடைபெறுகின்றன.

அட்லாண்டிக் மற்றும் மெடிதெரேனியன் கடல்களில் ரஷ்யாவின் அணுசக்தி நீர்மூழ்கிக்கப்பல்கள் பிரான்ஸ், பிரித்தானியா உள்ளிட்ட நாடுகளை கண்காணித்து வருகின்றன.

இது பிரான்ஸின் பாதுகாப்பை புதிய விதத்தில் சவாலுக்குள்ளாக்கி வருகிறது. இந்த புதிய நிலைமையால், ஐரோப்பா முழுவதும் பாதுகாப்பு ஆய்வுகள் மற்றும் முன்னெச்சரிக்கைகள் அதிகரிக்கப்படக்கூடும் என நிபுணர்கள் எச்சரிக்கின்றனர்.