சமூக ஊடகங்களில் பிரபலமடைய பிள்ளைகளை பயன்படுத்தும் பெற்றோருக்கு புதிய சட்டம்

பிரபலம் அடைவதற்கும் பணம் சம்பாதிப்பதற்கும் சமூக ஊடகங்களில் சிறுவர்களை ஆபத்தான செயல்களுக்குப் பயன்படுத்துவதைத் தடுக்க புதிய விதிகள் மற்றும் ஒழுங்குமுறைகள் அறிமுகப்படுத்தப்படும் என்று பெண்கள் மற்றும் குழந்தைகள் நலத்துறை அமைச்சர் சரோஜா பவுல்ராஜ் தெரிவித்தார்.

சிறுவர்களை ஆபத்தான இடங்களுக்கு அழைத்துச் செல்வது, அவர்களை தகாத வார்த்தைகளைப் பயன்படுத்த வைப்பது, வயது வந்தோருக்கான உள்ளடக்கங்களுக்கு அவர்களைப் பயன்படுத்துவது, மற்றும் குழந்தைகளின் பாலியல் தன்மையை வெளிப்படுத்தும் உள்ளடக்கங்களை உருவாக்குவது போன்ற செயல்கள் சமூக ஊடகங்களில் காணப்படுகின்றன என்று அவர் சுட்டிக்காட்டினார்.

பெற்றோருக்கு உரிமை இல்லை

குழந்தைகளின் தனியுரிமை மற்றும் பாதுகாப்பிற்கு ஆபத்தை விளைவிப்பதன் மூலம் பிரபலம் அடையவோ அல்லது பணம் சம்பாதிக்கவோ பெற்றோருக்கு எந்த உரிமையும் இல்லை என்றும் அமைச்சர் வலியுறுத்தினார்.