போர் தயார்நிலை: இரவோடு இரவாக தீவிர இராணுவப் பயிற்சியில் ஈரான்!

யுத்தத்திற்கான தயார் நிலையில் ஈரான் முழு பயிற்சியில் இரவு வேலைகளில் ஈடுபட்டு வருவதாக தெரிவிக்கப்படுகிறது.

ஈரானியர்கள் ‘கிட்டத்தட்ட ஒவ்வொரு இரவும்’ தீப்பிழப்புடன் கூடிய வெடிச்சத்தங்களை காண்கிறார்கள்.

கெஷ்ம் (Qeshm) தீவில் பதிவான ஐந்து வெடிச்சம்பவங்கள் மற்றும் அந்தத் தீவின் வான்பரப்பில் இரண்டு விமானங்கள் தென்பட்டதாக நேரில் கண்டவர்கள் கூறிய தகவல்களுக்கு அப்பால், ஹோர்முஸ் நீரிணைக்கு அருகில் தெற்கே அமைந்துள்ள பண்டார் லெங்கே (Bandar Lengeh) பகுதியிலும் மேலும் சில வெடிச்சம்பவங்கள் நிகழ்ந்ததாகத் தகவல்கள் கிடைத்துள்ளன.

உள்ளூர் நேரில் கண்ட சாட்சிகளின்படி, இந்த வெடிச்சம்பவங்கள் கடல் திசையிலிருந்து நிகழ்ந்துள்ளன.

இத்தகைய வெடிச்சம்பவங்கள் இப்பகுதிகளில் கிட்டத்தட்ட ஒவ்வொரு இரவும் நிகழ்வதைக் காண முடிகிறது. இதில் சில, ஹோர்முஸ் நீரிணையில் அங்கீகரிக்கப்படாத பாதையைப் பயன்படுத்தி விதிமுறைகளை மீறுவதாகக் கருதப்படும் கப்பல்களுக்கு எதிராக, ஈரானிய இஸ்லாமிய புரட்சிக் காவல் படை (IRGC) மேற்கொள்ளும் நடவடிக்கைகளுடன் தொடர்புடையவை. மற்ற சில நிகழ்வுகள், அப்பகுதியில் ராணுவம் மேற்கொள்ளும் முன்னெச்சரிக்கை நடவடிக்கைகளோ அல்லது போருக்கான ஆயத்தங்களோ இருக்கலாம்.

இங்குள்ள ஈரானியர்கள் இதைப் பற்றி அடிக்கடி பேசிக்கொள்கிறார்கள்; அவர்கள் ஒவ்வொரு நாளும், ஒவ்வொரு இரவும் தங்களுக்குத் தேவையான நடவடிக்கைகளை மேற்கொள்வதிலும், பயிற்சிகளில் ஈடுபடுவதிலும் மும்முரமாக உள்ளனர்.

நேற்று, தெஹ்ரானுக்கு அருகிலுள்ள சில பகுதிகளில் வெடிச்சம்பவங்கள் நிகழ்ந்ததாக அறிவிக்கப்பட்டது. இருப்பினும், இது போருக்கான ஆயத்தங்களின் ஒரு பகுதிதான் என்பதால், மக்கள் அச்சப்படத் தேவையில்லை என்று அவர்களுக்குத் தெரிவிக்கப்பட்டுள்ளது.

ஈரான் மீதான அமெரிக்கா-இஸ்ரேல் போர் எட்டு மாதங்களாக நீடிக்கும் நிலையில், அதனை முடிவுக்குக் கொண்டுவர கத்தார் மற்றும் பாகிஸ்தான் மத்தியஸ்தர்கள் வாயிலாக அமெரிக்காவுடன் பேச்சுவார்த்தைகள் நடைபெற்று வருவதாக ஈரானின் வெளியுறவு அமைச்சர் அப்பாஸ் அராக்சி தெரிவித்துள்ளார்.

அதேவேளையில், ராணுவ மோதலுக்கும் ஈரான் தயாராகவே உள்ளது.
இதனிடையே, ஈரான் மீதான போர் “எப்படியாவது மிக விரைவில்” முடிவுக்கு வரும் என்று அமெரிக்க அதிபர் டொனால்ட் ட்ரம்ப் கூறியுள்ளார். ஈரான் ஒரு உடன்படிக்கைக்கு வர வேண்டும், இல்லையெனில் கடுமையான பதிலடி (hammer) சந்திக்க நேரிடும் என்றும் அவர் எச்சரித்துள்ளார்.