UK சென்ற அமெரிக்க ஜனாதிபதி டிரம்ப் ; அதிர்ச்சி தரும் பாதுகாப்பு தகவல்!

உலகத்தின் கண்களைத் தன் பக்கம் திருப்பும் அமெரிக்க அதிபர் டொனால்ட் டிரம்ப், இப்போது இங்கிலாந்துக்கு சென்றுள்ள நிலையில் அவரது பயண நோக்கம் தொடர்பில் பல தகவல்கள் வெளியாகியுள்ளது.

அமெரிக்க ஜானாதிபதியின் இந்த பயணம் இது ஒ சாதாரண அரசுமுறைப் பயணம் அல்ல என கூறப்படுகின்றது. டிரம்ப்பின் இந்த வருகை, அவர் எப்போதும் விரும்பும் பிரம்மாண்டம் மற்றும் அசாதாரண பாதுகாப்பு ஏற்பாடுகளால் உலகையே பிரமிக்க வைத்துள்ளது.

கவசமிடப்பட்ட பிரத்யேக லிமோசின் கார்
டிரம்ப் வந்திறங்கியதுமே, £1.2 மில்லியன் மதிப்புள்ள, முழுவதும் கவசமிடப்பட்ட பிரத்யேக லிமோசின் கார், அனைவரின் கவனத்தையும் ஈர்த்தது.

‘தி பீஸ்ட்’ (The Beast) என்று செல்லமாக அழைக்கப்படும் இந்தக் கார், ஒரு சிறிய ராணுவ டாங்க் போல வடிவமைக்கப்பட்டுள்ளது. இது, எந்தவிதமான தாக்குதலையும் தாங்கும் வல்லமை கொண்டது.

ஆனால், இந்த லிமோசின் மட்டுமே டிரம்பின் பாதுகாப்பு அரண் அல்ல. அவரது பாதுகாப்புப் படை, ‘ஹாக்ஐ கில் டீம்’ என்ற பெயரில் ஒரு அதிநவீன குழுவையும் கொண்டுள்ளது.

இக்குழுவில், துப்பாக்கி சுடும் வீரர்கள், வெடிகுண்டு நிபுணர்கள் மற்றும் மின்னணு கண்காணிப்பு வல்லுநர்கள் என பலர் உள்ளனர். எந்தவொரு அச்சுறுத்தலையும் முறியடிக்க இவர்கள் எப்போதும் தயார் நிலையில் இருப்பார்கள்.

டிரம்பின் வருகையின் மற்றொரு அதிர்ச்சி தரும் அம்சம், ‘அணுசக்தி குறியீடுகள்’ அடங்கிய பெட்டி. இந்த குறியீடுகள், அமெரிக்காவின் அணு ஆயுதங்களை ஏவுவதற்கான ரகசிய அனுமதி கோடுகளைக் கொண்டவை. அதிபர் எங்கு சென்றாலும், இந்த பெட்டி அவருடன் இருக்கும்.

ஒருவேளை, எதிர்பாராத தாக்குதல்கள் நிகழ்ந்தால், அங்கிருந்தே அணு ஆயுதங்களை ஏவி பதிலடி கொடுக்க இது உதவும். டிரம்ப்பின் இந்த வருகை, அவரது தனிப்பட்ட பாணியையும், அமெரிக்காவின் வலிமையையும் ஒரே நேரத்தில் வெளிப்படுத்தியுள்ளது.

அதேசமயம் இந்த பாதுகாப்பு ஏற்பாடுகள், இங்கிலாந்திலும், உலக அளவிலும் அரசியல் மற்றும் பாதுகாப்பு வட்டாரங்களில் பெரும் விவாதங்களை உருவாக்கியுள்ளன.