திருக்குறளும் சுகநலமும் நூல் வெளியீட்டு விழா

குணராஜா நக்கீரன் எழுதிய திருக்குறளும் சுக நலமும் என்ற நூலின் வெளியீட்டு விழா 26.05.2024 ஞாயிற்றுக்கிழமை பிற்பகல் 3 மணிக்கு யாழ்ப்பாணம் இந்துக் கல்லூரி சபாலிங்கம் மண்டபத்தில் நடைபெற உள்ளது

கோப்பாய் ஆசிரியர் கலாசாலை அதிபர் செந்தமிழ்ச் சொல்லருவி சந்திரமௌலீசன் லலீசன் தலைமையில் இடம் பெற உள்ள இந்நிகழ்வில் பிரதம விருந்தினராக வடக்கு மாகாண பொது சேவை ஆணைக்குழு செயலாளர் சி. திருவாகரன் கலந்து கொள்வார்

சிறப்பு விருந்தினர்களாக யாழ் பிராந்திய சுகாதார சேவைகள் பணிப்பாளர் மருத்துவர் ஆ. கேதீஸ்வரனும் யாழ் போதனா வைத்தியசாலை பொது மருத்துவ நிபுணர் மருத்துவர் த. பேரானந்தராஜாவும் கலந்து கொள்வர்

கௌரவ விருந்தினர்களாக செஞ்சொற்செல்வர் கலாநிதி ஆறு. திருமுருகனும் யாழ் பல்கலைக்கழக முன்னாள் துணைவேந்தர் பேராசிரியர் நா. சண்முகலிங்கனும் கலந்து கொள்வர்

நூலின் ஆய்வுரையை உளமருத்துவ நிபுணர் மருத்துவர் எஸ். சிவதாசும் நயப்புரையை யாழ் போதனா வைத்தியசாலை பிரதிப் பணிப்பாளர் மருத்துவர் சி யமுனானந்தாவும் மேற்கொள்ளவுள்ளனர்.