ஐந்தாண்டுகளில் இல்லாதளவு இங்கிலாந்தில் வேலையின்மை விகிதம் உயர்வு!

இங்கிலாந்தில் வேலையின்மை சுமார் ஐந்து ஆண்டுகளில் இல்லாத அளவுக்கு உயர்ந்துள்ளதாக அதிகாரப்பூர்வ புள்ளிவிவரங்கள் தெரிவிக்கின்றன.

2025 டிசம்பர் வரையிலான மூன்று மாதங்களில் இங்கிலாந்தில் வேலையின்மை விகிதம் 5.2% ஆக உயர்ந்துள்ளது.

2025 நவம்பர் வரையிலான மூன்று மாதங்களில் இது 5.1% ஆக இருந்ததாக தேசிய புள்ளிவிவர அலுவலகம் (ONS) தெரிவித்துள்ளது.

வருடாந்திர ஊதிய வளர்ச்சி குறைந்து, கிட்டத்தட்ட நான்கு ஆண்டுகளில் மிகக் குறைந்த மட்டத்திற்குச் சென்றதால் இந்த நிலை ஏற்பட்டுள்ளது.

கடந்த 2024 ஒக்டோபரில் இங்கிலாந்து அரசாங்கம் அறிமுகப்படுத்திய முதலாளியின் தேசிய காப்பீட்டு பங்களிப்புகளில் 25 பில்லியன் பவுண்ட்ஸ் அதிகரிப்பு மற்றும் தேசிய வாழ்க்கை ஊதியத்தில் ஏற்பட்ட அதிகரிப்பைத் தொடர்ந்து, தொழிலாளர் செலவுகள் அதிகரித்ததன் பின்னணியில் மந்தநிலை ஏற்பட்டுள்ளதாக கூறப்படுகின்றது.

2024 ஆம் ஆண்டின் நடுப்பகுதியில் இருந்து, ஒட்டுமொத்த ஊதிய எண்ணிக்கை உச்சத்தை எட்டியதிலிருந்து, 34 வயது மற்றும் அதற்கு மேற்பட்டவர்களிடையே வேலைவாய்ப்பு 242,000 குறைந்துள்ளதாக தரவுகள் காட்டுகிறது.